Жылыой аудандық музейінде Қазақстан Республикасының Конституция күніне орай “Конституция –мәңгілік елдің тұғыры!” тақырыбында дөңгелек үстел өтті. Іс-шараға отставкадағы подполковник — Бекенов Тапатия, Лат ұлтының өкілі Даиялов Омар, «Жылыой ауданының Құрметті азаматы», Ауылшаруашылық саласының ардагері -Нұрғазиев Талап, мәдениет саласының ардагері, «Жылыой ауданының Құрметті азаматы» — Ақназаров Нұрдаулет, Жылыой аудандық аналар кеңесінің төрайымы — Әбдіғалиева Мадина, заң қызметкері, жас маман Гилятова Зулфинат Агдамқызы-қатынасты.
Дөңгелек үстелдің басты мақсаты – Қазақстан Республикасының конституциялық құрылымы мен мазмұны туралы хабардар ету, құқықтық мәдениетті қалыптастыру, қоғамдық заңдар мен нормалардың орындалуын құрметтеу. Іс-шараға қатысушылар 1995 жылы қабылданғаннан бері Қазақстан Республикасы Конституциясының тарихы мен эволюциясын талқылады. Дөңгелек үстелге қатысушылар конституциялық құқық саласындағы өз білімдері мен тәжірибелерімен бөлісті, сондай-ақ оқушылар мен студенттердің сұрақтарына жауап берді.